Қазақстан Жазушылар одағының мүшесі, Халықаралық «Дарабоз» сыйлығының иегері, Алаш» әдеби сыйлығының лауреаты, Сарысу ауданының Құрметті азаматы, жазушы Пернебай Дүйсенбиннің есімі аудан, облысқа ғана емес республика көлемінде танымал екені мәлім. Талай танымдық шығармаларды жазып, талай түрлі байқаулардан үздік көрініп жүрген қарт қаламгердің қаламы мұқалмай келеді.
Бүгінде сексеннің сеңгіріне шыққан жазушы шығармашылықтың жас таңдамайтындығын, ынта мен жігер барда жетістіктердің шыңынан көрінуге болатындығын көрсетіп, жақында Алматы қаласында Қазақстан Жазушылар одағы мен Ұлттық спорт қауымдастығының бірлесе ұйымдастыруымен өткен «Құлагер» республикалық байқауында «Үздік фантастикалық мифологиялық шығарма» номинациясы бойынша 255 шығарманың ішінен бас жүлдені иеленді.Қарымды қаламгердің жазары таусылмағай. Мәртебелі марапатыңыз құтты болсын!
