Жыл соңына дейін «Ауылда денсаулық сақтауды жаңғырту» жобасы аясында 188 медицина нысаны салынады – Тоқаев
«Бүкіл ел бойынша медицина инфрақұрылымын барынша дамыту жұмыстары жалғасады. Осы жылдың соңына дейін «Ауылда денсаулық сақтауды жаңғырту» ұлттық жобасы аясында 188 медицина нысаны салынады. Риддерде көпбейінді аурухананы, Өскеменде гематология орталығын, Ақтауда жедел жәрдем стансасын, Алматыда Жұқпалы аурулар ұлттық ғылыми орталығын, Астанада Ұлттық ғылыми онкология орталығының жаңа ғимаратын пайдалануға беру қажет. 2026 жылы 32 аудандық орталық аурухананы жаңғырту, сондай-ақ Қызылорда және Маңғыстау облыстарындағы ауруханаларды салып бітіру керек. Жұмысты аяқтау мерзімін бұзуға болмайды», – дейді Президент.
фото: Aqorda
https://turkystan.kz/article/257258-zhyl-sonyna-deiin-auylda-densaulyk-saktaudy-zhang-yrtu-zhobasy-aiasynda-188-meditsina-nysany-salynady-tokaev
