https://turkystan.kz/article/259293-netflix-uensdei-serialynyn-ekinsi-mausymyn-sygarady-video
Netflix Дженна Ортега басты рөлде ойнайтын «Уэнсдей» сериалының екінші маусымына алғашқы тизер ұсынды. Жаңа маусым 6 тамыз бен 3 қыркүйекте екі кезеңмен жарық көреді.
Ресми синопсиске сай, Уэнсдей Аддамстың студенттік өмірі, экстрасенсорлық қабілеттерін меңгеру жолы, қылмыстарды әшкере ету және ата-анасына қатысты құпияны ашу — жаңа маусымның өзегі болмақ.
Дженна Ортега бұл жолы тек басты кейіпкер емес, сонымен қатар маусымның продюсері де. Бұрынғы актерлер қатарынан Эмма Майерс, Джой Сандей, Кэтрин Зета-Джонс, Луис Гусман оралса, жаңа есімдер қатарында Стив Бушеми, Билли Пайпер, Тандиве Ньютон, Фрэнсис О’Коннор, Хейли Джоэл Осмент және құпия рөлде Леди Гага бар.
Тим Бертон режиссер ретінде қайта оралды. Сонымен қатар, Пако Кабесас, Анджела Робинсон және шоураннерлер Альфред Гоф пен Майлз Миллар жұмыс істеді.
Сериалды MGM Television студиясы түсіріп жатыр.
