istockphoto.com
https://turkystan.kz/article/265104-qossyda-5-zastagy-bala-su-qoimasyna-batyp-ketti
Демалыс күндері Ақмола облысы, Қосшы қаласының суару каналына бес жастағы бала батып кетті, деп хабарлайды turkystan.kz.
Алдын-ала деректер бойынша, бала киімімен абайсызда суға құлап кеткен. Туыстары оны құтқаруға тырысқанымен, өмірін аман алып қалу мүмкін болмады. Оқиға орнына жедел жәрдем келген.
Қайғылы жағдай болған канал стратегиялық нысан болып саналады: ол Нұра өзенінің бір бөлігін Есілге бұрып, Астананы техникалық сумен қамтамасыз ету және жерді суару үшін пайдаланылады. Онда шомылуға және жүзуге тыйым салынған.
Бұл – демалыс күндері Ақмола облысында балалармен болған екінші қайғылы оқиға. Бұған дейін бес жастағы бала екінші қабаттан құлап, қаза тапқан еді.
Жыл басынан бері өңірде суға байланысты 19 оқиға тіркелген.
Толық нұсқасына гиперсілтеме беруді ұмытпаңыз: https://turkystan.kz/article/265104-qossyda-5-zastagy-bala-su-qoimasyna-batyp-ketti
