Чемпиондар лигасының 1-туры жарқын ойындармен және сенсациялармен аяқталды. Бұл туралы Stan.kzақпарат агенттігі хабарлайды.
Топтық кезеңнің алғашқы кезеңі қызық сәттерге толы болды. Жанкүйерлер нәтижелі кездесулерді, фавориттердің ірі жеңістерін және күтпеген сенсацияларды тамашалады. Турдың басты оқиғалары қатарында «Бавария», «ПСЖ» және «Манчестер Сити» клубтарының сенімді бастамасы, «Энфилдтегі» драмалық жеңіс, «Барселона» сапындағы Маркус Рэшфордтың дублі, «Айнтрахттың» «Галатасарайды» ойсырата жеңуі, сондай-ақ «Карабах» пен «Юнион Сент-Жиллуаның» сенсациялық нәтижелері болды.
Қысқаша шолулар
Бавария — Челси 3:1
Мюнхендік клуб маусымды қарқынды бастады. Харри Кейн дубль авторы атанды, тағы бір гол лондондықтардың автоголы болды. «Челси» сапынан Коул Палмер көзге түсті, алайда «Бавария» ойын тізгінін уысынан шығармай, үш ұпай еншіледі.
Ньюкасл — Барселона 1:2
Маркус Рэшфорд дубль жасады. Энтони Гордон есепті қысқартқанымен, «Барселона» Англиядан жеңіспен қайтты.
Ливерпуль — Атлетико 3:2
«Энфилдтегі» жанкүйерлер нағыз триллерге куә болды. Қос команда алма-кезек гол соқты. Шешуші соққыны матчтың соңғы минуттарында Вирджил ван Дейк жасады.
Спортинг — Қайрат 4:1
Алматылық клуб топтық кезеңде алғаш рет өнер көрсетті. «Спортинг» екінші таймда төрт минут ішінде үш гол соқты, Франсишку Тринкан дубль жасады. «Қайрат» сапынан Эдмилсон мергендік танытты.
Ювентус — Боруссия Дортмунд 4:4
Алғашқы кезеңдегі ең көп голдар дәл осы Туринде өткен матчта соғылды. Командалар сегіз гол соғып, алаңда тартысты матч көрсетті. Ақыр соңында тең есеп тіркелді.
Айнтрахт Франкфурт — Галатасарай 5:1
Кездесуде алғашқы голды стамбулдық команда сапында Энус Акгюн соқты. Кейін «Айнтрахт» алаңдағы ойынды толықтай бақылауға алды: автогол, Ылмаз Узун, Джонатан Буркард (дубль) және Ансгар Кнауфф мергендік танытты.
Манчестер Сити — Наполи 2:0
Гол авторлары — Эрлинг Холанд пен Жереми Доку. Холанд үшін бұл Чемпиондар лигасындағы 50-ші гол болды, ол турнир тарихында бұл межеге ең жылдам жеткен ойыншы атанды.
Юнион Сент-Жиллуа — ПСВ 3:1
Бельгиялық клуб өз алаңында сенсация жасап, «ПСВ» командасын ойсырата жеңді. Юнион Сент-Жиллуа сапынан Дэвид, Эль Хадж және Мак Аллистер мергендік танытты. ПСВ ойыншысы ван Боммель таблода есеп айырмасын азайтқан еді, алайда қарсылас команда матчта толық үстемдік жасап, үш ұпайға ие болды.
Бенфика — Карабах 2:3
Лиссабонда өткен кездесуде күтпеген сенсация тіркелді. Португалияның атақты клубы өз алаңында әзербайжандық «Карабахтан» жеңілді. Қонақтар жылдам шабуылдары арқылы үш рет нәтижелі соққы жасаса, «Бенфика» тек екі голмен жауап берді. Бұл жеңіс «Карабахқа» тарихи маңызға ие болды — команда Чемпиондар лигасының топтық кезеңіндегі алғашқы ірі жетістігін тойлады.
Алғашқы турдың толық нәтижелері
-
Атлетик Бильбао — Арсенал 0:2
-
Клуб Брюгге — Монако 4:1
-
Копенгаген — Байер Леверкузен 2:2
-
Айнтрахт Франкфурт — Галатасарай 5:1 (Акгүн; автогол, Узун, Буркард — 2, Кнауфф)
-
Манчестер Сити — Наполи 2:0 (Холанд, Доку)
-
Ньюкасл — Барселона 1:2 (Гордон; Рэшфорд — 2)
-
Спортинг — Қайрат 4:1 (Тринкан — 2, Сантос, Куэнда; Эдмилсон)
-
ПСЖ — Аталанта 4:0
-
Бавария — Челси 3:1 (Кейн — 2, автогол; Палмер)
-
Ливерпуль — Атлетико 3:2 (Ван Дейк — жеңіс голы)
-
Тоттенхэм — Вильярреал 1:0 (автогол)
-
Юнион Сент-Жиллуа — ПСВ 3:1 (Дэвид, Эль Хадж, Мак Аллистер; ван Боммель)
-
Ювентус — Боруссия Дортмунд 4:4
-
Аякс — Интер 0:2
-
Бенфика — Карабах 2:3
Айта кетейік, топтық кезеңнің екінші тур ойындары 30 қыркүйек – 1 қазан аралығында өтеді.
