34 жастағы Зохра Мамдани Нью-Йорк мэрі сайлауында жеңіске жетіп, республикашыл Кертис Сливаны және тәуелсіз үміткер, бұрынғы губернатор Эндрю Куомоны басып озды, деп хабарлайды Orda.kz.
Ол — қаланы басқаратын алғашқы мұсылман. Мамдани Үндістанда дүниеге келген. Кейін отбасы алдымен Оңтүстік Африкаға, содан соң АҚШ-қа қоныс аударған. 2018 жылы ол АҚШ азаматы атанды.
Саясатқа келмей тұрып Мамдани баспанасынан айырылу қаупі бар тұрғындарға көмек көрсетумен айналысқан. Сондықтан оның сайлауалды бағдарламасының негізгі бағыты қолжетімді баспана болды. Сондай-ақ жаңа мэр жоғары табысы бар азаматтарға салынатын салықты арттыруды, ең төменгі жалақыны біртіндеп сағатына 30 долларға дейін өсіруді, мектепке дейінгі білім беруді тегін ету мен қоғамдық көлікте тегін жүру жүйесін енгізуді көздеп отыр.
Айта кетейік, 4 қарашада АҚШ-тың бұрынғы вице-президенті, республика партиясының өкілі Дик Чейни 84 жасында өмірден өтті.
https://kaz.orda.kz/tarihta-algash-ret-nju-jorkti-musylman-mjer-baskarady-135887/
Фото: Shannon Stapleton/REUTERS
