Алматыда 2019 жылдың желтоқсанында болған Bek Air әуе апатына қатысты қылмыстық істің сотында ұшқыштар кінәлі деп танылды, деп хабарлайды Orda.kz.
Сот шешімі бойынша Марат Мұртабаев пен Мейіржан Молдақұлов ҚР Қылмыстық кодексінің 344-бабы 3-бөлігі («абайсызда екі немесе одан көп адамның өліміне әкеп соққан іс-әрекет») бойынша кінәлі деп танылды.
Айыпталушыларға жаза тағайындалмайды, себебі олар қаза тапқан.
Мемлекет іс жүргізу шығындарын өтеуге жұмсалатын 1,7 млн теңгені өзі өтейді.
Сот жәбірленушілердің азаматтық талаптарын қанағаттандыру құқығын мойындады. Өтемақы мөлшері азаматтық сот тәртібімен анықталатын болады. Жәбірленушілер жалпы сомасы 4,8 млрд теңге көлемінде залал өтеу туралы талап қойған.
https://kaz.orda.kz/almatydagy-bek-air-apatynda-kaza-tapkan-ushkyshtar-kinali-dep-tanyldy-135894/
Коллаж: Orda.kz
