Алматылық келіншек автобустан құлап, омыртқасын сындырды Бүгін, 17:24 / Алуа Арман видеодан скриншот Алматыда жолаушы автобусынан түскен кезде омыртқасын сындырып алды, деп хабарлайды turkystan.kz. Almaty Today Telegram-арнасының мәліметінше, оқиға 21 желтоқсанда №104 бағыттағы автобуста болған. Алдын ала ақпарат бойынша, әйел салоннан шыққалы жатқанда автобус қозғалып кеткен. Соның салдарынан жолаушы құлап, омыртқасы сынған. «Жол-көлік оқиғасы фактісі бойынша Алматы қаласы Жетісу аудандық полиция басқармасы тергеу жүргізіп жатыр», – деп хабарлады Алматы қалалық Полиция департаментінің баспасөз қызметі. Қазіргі уақытта іс бойынша тексеру жүргізіліп, оқиғаның мән-жайы анықталып жатыр. Толық нұсқасына гиперсілтеме беруді ұмытпаңыз: https://turkystan.kz/article/273327-almatylyq-kelinsek-avtobustan-qulap-omyrtqasyn-syndyrdy