Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.![]()
Осыған орай, Түркістан ауылдық округінде аудан әкімдігінің ішкі саясат бөлімінің «Жастар ресурстық орталығының» ұйымдастыруымен «Алғысым шексіз қасиетті Қазақ елі» тақырыбында этнос өкілдері арасында ұлттық тағамдар сайысы өткізілді.Сайыстың мақсаты, ұлттар татуластығы, этносаралық қатынасты нығайту болып табылады. Байқауда қатысушылардың ұлттық тағамдарымен қатар, таныстыруы, сахна мәдениеті бағаланды. Сайыста Түркістан ауылдық округінің әкімі Д.Борсықов құттықтау сөз сөйлеп, ұлттардың достығын нығайтуда осындай байқаулардың маңызды екенін айтып, жарысқа қатысушыларға сәттілік тіледі.
Жеңімпаздар мен жүлдегерлерге ұйымдастырушылар тарапынан арнайы дипломдар мен сыйлықтар тапсырылды.