Жедел-іздестіру шараларының нәтижесінде 10 адам анықталып, ұсталды. Олардың тоғызы уақытша ұстау изоляторына қамалды.
Полицияның мәліметінше, соңғы операция 22 ақпанда өтті. Ұзынағаш ауылының тұрғыны полицияға арызданған. Оның қорасынан бес жылқы ұрланған. Келген шығын 5 миллион теңгені құраған.
Жедел-іздестіру шаралары барысында 32 және 34 жастағы екі күдікті ұсталды. Олар қамауға алынып, ұрланған мал иесіне қайтарылды.
Сонымен қатар Кеген ауданында 35 жастағы жергілікті тұрғынның жылқы ұрлығын кәсіп еткені анықталды. Бұл күдікті тоғыз бас малды ұрлап, үшінші тұлғаларға қайта сатқан. Сатып алушылар бұл деректі растағаннан кейін, күдікті өз кінәсін мойындады. Жалпы шығын 4 миллион теңгеден асты.
Жыл басынан бері Жамбыл ауданында үш бірдей мал ұрлығымен айналысатын қылмыстық топ ұсталды. Олар жасаған 20 қылмыс эпизоды дәлелденді.
Аталған қылмыстардың нәтижесінде 460 бас мал ұрланған.
Полиция қызметкерлерінің жедел әрекетінің арқасында күдіктілер сатып үлгермеген мал тәркіленіп, иелеріне қайтарылды. Қайтарылған мүліктің жалпы құны 13 миллион теңгеден асты.
