https://turkystan.kz/article/259182-atyrauda-universitet-zataqxanasynyn-bir-boligi-qulap-qaldy
22 сәуірде Атыраудағы Халел Досмұхамедов атындағы университеттің апатты деп танылған жатақханасының бір бөлігі құлап қалды. Оқиға кезінде жатақханада студенттер болмағандықтан, адам шығыны тіркелмеді. Бұл туралы университеттің баспасөз қызметі хабарлады.
Атырау облысында университеттің апатты жағдайдағы екі жатақханасының ғимаратын бұзу және студенттерге арналған 1000 орындық жаңа жатақхана салу жұмыстарына дайындық басталды. Бұл мақсатта облыстың құрылыс басқармасы қажетті жобалық-сметалық құжаттама әзірлеген. Жаңа жатақхананың жобалаушысы ретінде «Авангард ОК» ЖШС белгіленген және жоба қазіргі уақытта қажетті сараптамалардан өту үшін жолданған.
«Апатты деп танылған № 2 жатақхана айналасы қоршалған. Жатақхананың құлағанынан ешкім зардап шеккен жоқ», – деді университеттің баспасөз қызметіндегілер.
