https://turkystan.kz/article/266505-auganstanda-zer-silkinisinen-250-den-asa-adam-qaza-tapty
Ауғанстанның шығысындағы Кунар провинциясында магнитудасы 6-ға жететін жер сілкінісі болып, алдын ала мәліметтер бойынша 250-ден астам адам көз жұмды.
Бұл туралы Ауғанстан Ақпарат министрлігінің өкілі хабарлады.
Оның сөзінше, ең көп зардап Кунар провинциясының аудандарында тіркелген, жолдар топан су мен жер қабаты сырғуы салдарынан жабылған, іздеу-құтқару жұмыстары тікұшақтардың көмегімен жүргізіліп жатыр. Зардап шеккендердің саны 500-ден астам, ал қаза тапқандар санының көбеюі мүмкін.
Ауғанстан уақытша үкіметінің баспасөз хатшысы Забихулла Муджахид АҚШ компаниясы X әлеуметтік желісінде жер сілкінісі адам шығынына алып келгенін растады.
— Өкінішке қарай, бүгінгі жер сілкінісі шығыс провинцияларында адам өліміне және материалдық залалға әкелді, — деді ол.
Толық нұсқасына гиперсілтеме беруді ұмытпаңыз: https://turkystan.kz/article/266505-auganstanda-zer-silkinisinen-250-den-asa-adam-qaza-tapty
