Сарысу аудан әкімдігінің мәжіліс залында аудан әкімі Сәкен Мамытовтың төрағалығымен аудандық аппараттық кеңес өтті. Күн тәртібі басталмас бұрын аудан әкімі Сәкен Үмбетұлы аудандық мәслихат төрағасы Шаттық Мұсабековтың 60 жасқа толуымен құттықтап, деніне саулық, отбасына амандық тіледі. Сондай — ақ, Қазақстан мәслихаттары депутаттары бірлестігінің «Құрметті депутат» төсбелгісімен марапаттап, сый — сыяпат жасады.![]()
Сонымен қатар, жуырда облыста мемлекеттік қызметшілер арасында өткен волейболдан ашық турнирде ауданымыздың мемлекеттік қызметкерлерін 3 — орын алуымен құттықтап, бұдан да биік белеске жетуге тілек білдірді.
Күн тәртібіндегі мәселелер бойынша «Жаңатас қаласы және ауылдық округтердің тазалығы туралы» аудан әкімі аппаратының ұйымдастыру-инспекторлық бөлімшесінің басшысы Мұрат Сүлетаев және «Ауданда қылмыс деңгейін төмендету мен алдын алу бойынша атқарылып жатқан жұмыстар туралы» аудандық полиция бөлімі бастығының бірінші орынбасары Қанат Нарбеков баяндама жасады.
Күн тәртібіндегі мәселелер толық қаралып, аудан басшысы Сәкен Үмбетұлы анықталған кемшіліктерді қалыпқа келтіру және жүйелі жұмыс жасау үшін жауапты тұлғаларға тиісті тапсырмалар берді.Сарысу ауданы әкімдігінің баспасөз қызметі
