Таиландтың Чиангмай қаласында өтіп жатқан Азия чемпионатының соңғы ширек финалдық кездесулері өтті. Қазақстан құрамасынан бес боксшы шаршы алаңға шығып, үшеуі ғана жеңіске жетті. 48 келі салмақ дәрежесінде Санжар Тәшкенбай тәжік Мехрон Шафиевтен басым түссе, 51 келідегі Сәкен Бибосынов өзбек Асылбек Жәліловтен ұтылып қалды. Ал 54 келідегі Махмұд Сабырхан Кумара Жанаятты нокаутпен жеңіп, жартылай финалға өтсе, үміт артқан тағы бір боксшымыз Мұхаммедсабыр Базарбайұлы жергілікті боксшы Сомчай Вонгвусанға есе жіберді. Сондай-ақ 92 келі Сағындық Тоғамбай этникалық қазақ Мадияр Саидрахимовтан басым түсті.

Айта кетейік, бұған дейін бес баласы бар қазақстандық боксшының Азия чемпионатының жартылай финалына шыққанын жазған едік.