2024 жылдың шілде айынан бастап облыста мектепке дейінгі ұйымдарға дербестендірілген қаржыландыру жүйесінің пилоттық жобасы енгізіліп, мектепке дейінгі ұйымдар ваучерлік қаржыландыруға кезең-кезеңімен өтуде. Кезекте тұрған балалар саны 2 есеге азайды. Бұл жүйе кезекте тұрған балалардың мектепке дейінгі ұйымдарға қол жетімділігін, жан басына шаққандағы қаржыландырудың ашықтығын қамтамасыз етіп, нақты бала санын бақылауда ұстауға мүмкіндік береді.
Мектепке дейінгі біліммен 2-6 жас аралығындағы балалардың 96,1%-ы, 3-6 жас аралығында 100%-ы қамтылған. Қамту үлесін арттыру мақсатында өткен жылы 3459 орындық 33 жекеменшік ұйымдар ашылса, биыл жыл соңына дейін 1628 орындық 18 жекеменшік балабақша ашылмақ.
Мектеп жасына дейінгі барлық балалардың қолжетімділігін қамтамасыз ету үшін, экологиялық тәрбие беру, ұлттық құндылықтарды қалыптастыру бағытындағы жобалар оң нәтижесін беруде.
