300 оқушыға есептелген ғимаратты «Интерстиль» ЖШС салып, 2023 жылдың тамыз айында пайдалануға берген. Алайда ата-аналар мен қоғам белсенділері мектер ғимаратында көптеген кемшіліктер анықтаған.

«Инспекторлар жаңбыр жауған сайын мектептің төбесінен су ағатынын анықтады. Құбырлар дұрыс орналаспағандықтан, су ішке ағады. Құрылыстан кейін қалған топырақ үйінділері мектептің айналасында әлі жатыр. Жаңбыр суының барлығы оқу орнының спорт кешене ағады. Ал мектептің алдындағы шалшықта «қаздары мен үйректері жүзіп жүр». Информатика кабинетіндегі үстелдер өте кішкентай, оларға компьютерлер сыймайды. Химия кабинетінде сорғыш толық орнатылмаған. Терезелерде москит торлары жоқ. Апаттық генератор жұмыс істемейді. Өрт сөндіру цистерналары дұрыс жұмыс істемейді, олар сумен толтырылмаған. Лифт те жұмыс істемейді. Қазандықтағы монтаждау жұмыстарына қатысты да сұрақтар туындады», — деп жазды Александр Борейко Facebook парақшасында.

Ата-аналар мен жергілікті белсенділерден құралған бастамашыл топтың арыз-шағымдары бойынша тексеру актісі жасалып, прокуратура мен басқа да құзырлы органдарға жолданды.

Құрылыс басқармасы мердігер анықталған кемшіліктерді кепілдік мерзімі аяқталғанға дейін (2025 жылғы қараша) жоюға міндетті екенін хабарлады. Қазіргі уақытта мердігер кейбір мәселелер жойылғанын мәлімдеді, бірақ белсенділер жаңа ақауларды анықтауды жалғастыруда.

Жобаның жалпы құны 1 416,8 миллиард теңгені құрайтыны нақтыланды. Олқылықтарды түзету үшін қазірдің өзінде қосымша 7 миллион теңге бөлінді.

фото:Коллаж: Stan.kz

https://stan.kz/lift-istemeydi-tobeden-su-agip-tyr-aktobe-oblisindagi-1-410796/