Ғалымдар «жиналыстардан кейінгі мең-зең күй» синдромын анықтады. Зерттеуге сүйенсек, жиналыстардан кейін ми жұмысы нашарлап, өнімділік төмендейді.
Гарвард университетінің ғалымдары meeting hangover деп аталатын жаңа құбылысты анықтады. Бұл жиналыстар мен келіссөздерден кейінгі мидың шаршауы, ойлау қабілетінің төмендеуі және жалпы жұмыс өнімділігінің күрт құлдырауы ретінде сипатталады.
Зерттеулерге сәйкес, кеңсе қызметкерлерінің 90%-ы осы синдромнан зардап шегеді, ал 28%-ы тіпті қатты күйзеліске ұшырайды, ноутбугын жауып, ауылға кетіп, қызанақ өсіруді армандайды.
Мұның басты себептері – нәтижесіз жиналыстар, нақты күн тәртібінің болмауы және қатысушылардың өздерін тек жай ғана формалдылық үшін шақырылғандай сезінуі. Ғалымдар жұмыс тиімділігін арттыру үшін жиналыстарды қысқартуға және олардың құрылымын жақсартуға кеңес береді.
turkystan.kz
