Юн Сок Ёль енді мұндай қадамға бармауға уәде берді.

«Мен адамдардан шын жүректен кешірім сұраймын», – деді Юн Сок Ёль парламент импичмент туралы дауыс беруден бірнеше сағат бұрын.

• Оңтүстік Кореядағы саяси дағдарыс алғашқысы емес: Биліктен кетуі дауға ұласқан ел президенттеріне шолу

• Оңтүстік Кореядағы саяси текетірес, Сириядағы қарулы қақтығыстардың жандануы, Франция үкіметінің отставкасы: Әлемде не болып жатыр

Ол мұндай шара мәжбүрлі түрде жасалғанын мәлімдеді.

“Әскери жағдайды жариялаумен байланысты жауапкершіліктен қашпаймын», – деді ол.

Юн Сок Ёль барлық шешімді, елді тұрақтандыруды «Халық қуаты» партиясына тапсыратынын айтты.

Айта кетейік, бұған дейін 3 желтоқсанда Оңтүстік Корея президенті Юн Сок Ёл елде төтенше әскери жағдай жариялаған еді. Ол бұл шешімнің «мемлекетке қарсы күштерге» бағытталғанын айтқан. Юн Сок Ёльдің айтуынша, ел парламенті мемлекеттік жүйенің жұмысын бұзатын дағдарыс көзіне айналған.

Кейіннен  Сеулде төтенше әскери жағдайдың енгізілуіне байланысты қақтығыс болған. Артынша республика парламенті төтенше жағдайды алып тастаған еді.