Қуатты елдің басты күші, ол оның әскері болып табылады. Әскери күш бұл — рух пен Отанға деген сүйіспеншіліктің айқын көрінісі екені анық. Жыл сайын осы мақсатта патриоттық шаралар, ұрпаққа тәрбие беру әрекеттері мен жобалары, бағдарламалары іске асуда.
Осы орайда, Жамбыл облысының әскерге шақыру комиссиясының төрағасы Н.Календеровтен арнайы Алғыс хат келді. Алғыс хатта «2025 жылдың көктемгі мерзімді әскери қызметке шақыру науқанын жоғары деңгейде ұйымдастырып, әскери міндетті атқару ісіне үлесі мен еңбегі үшін Сарысу аудандық әскерге шақыру комиссиясына алғыс білдіремін» — делінген.Бұл лайықты еңбектің нәтижелі жемісі. Жастарымыз патриотизмнің үлгісін танытып, әскерге баруды міндет санаса, әскеріміз қуатты, тірлігіміз тұрақты болатыны белгілі. Сондықтан, Отанды қорғау әр айбынды жастың міндеті дейтін жастар — Әскерге барып, Отанға қызмет ету — қасиетті борыш екенін ұмытпауы қажет.