istockphoto.com
https://turkystan.kz/article/270052-policiiadan-alatauga-deiin-qasqan-azamatqa-qomaqty-aiyppul-salyndy
Жамбыл облысының Жуалы аудандық сотында полиция қызметкерінің заңды талабын орындамаған азаматқа қатысты әкімшілік іс қаралды, деп хабарлайды turkystan.kz.
Жуалы ауданының тұрғыны (2005 ж.т.) Нұрлыкент ауылының көшелерінде анасының көлігін теуіп жүріп, полиция қызметкерлерінің көлікті тоқтату туралы талаптарын орындамаған. Полицейлер құқық бұзушыны «Алатау» тауларының етегіне дейін қууға мәжбүр болған. Нәтижесінде құқық бұзушы жолынан айырылып, көлігін тоқтатты және оны полиция қызметкерлері ұстап, хаттама толтырған.
Сотта құқық бұзушы кінәні толығымен мойындады, жасаған ісіне өкініп, оны қатаң жазаламауды сұрады.
Айыпталушы өзінің іс-әрекетін автокөлікке сақтандыру полисі болмағандығымен және эмоциямен дұрыс шешім қабылдай алмағанымен түсіндірді. Қасында отырған достары оны тоқтатуға көндіре алмаған.
Сот үкімімен ол кінәлі деп танылып, 110 мың теңге айыппұл салынды.
Толық нұсқасына гиперсілтеме беруді ұмытпаңыз: https://turkystan.kz/article/270052-policiiadan-alatauga-deiin-qasqan-azamatqa-qomaqty-aiyppul-salyndy
