Ресейдің әскери ұшақтары Эстонияның әуе кеңістігін бұзып кіргені туралы ақпарат тарады. Бұл туралы Stan.kz ақпарат агенттігі хабарлайды.
Эстония сыртқы істер министрлігінің мәліметінше, ресейлік үш МиГ-31 әскери ұшағы рұқсатсыз елдің әуе кеңістігіне кіріп, шамамен 12 минут болған. Politico басылымы ұшақтардың Эстония астанасы Таллинге дейін жеткенін хабарлады.
Эстонияның сыртқы істер минситрлігі Ресейдің Эстониядағы уақытша іс басқарушысын шақырып, әуе кеңістігінің бұзылуына байланысты наразылық нотасын тапсырды.
«Биыл Ресей Эстонияның әуе кеңістігін төрт рет бұзды, бұл қабылдауға болмайтын жағдай. Алайда бүгінгі оқиға, үш ұшақтың біздің аумаққа кіруі бұрын-соңды болмаған құқызсыздық. Ресейдің шекараны бұзуына мен агрессиясының артуына жедел түрде саяси және экономикалық қысымды күшейту арқылы жауапқа берілуі қажет”, – деді елдің сыртқы істер министрі Маргус Цахкна.
Эстонияның әуе кеңістігінің бұзылғаны туралы ақпаратты елдің қорғаныс күштері мен НАТО-ның ресми өкілі Эллисон Харт та растады.
Еске салсақ, бұған дейін Польша билігі Ресейдің 19 дроны әуе кеңістігін бұзғанын мәлімдеген еді. Осы оқиғадан кейін Польша Ресей және Беларусь шекараларына 40 мың әскерін орналастырды.
