ҚазАвтоЖол ауа райының қолайсыздығына байланысты үш облыста жолдардың жабылғанын хабарлады.

Шығыс Қазақстан облысы:

29 желтоқсан күні сағат 18:00-де ауа райының нашарлауына байланысты «Алматы-Өскемен» автожолының 1013-1048 шақырымы (Абай облысының шекарасынан Ұлан ауылына дейін) барлық көлік түрлері үшін жабылды. Жолды 2024 жылғы 30 желтоқсан сағат 05:00-де ашу жоспарланған.

Абай облысы:

Сол күні сағат 18:00-де «Алматы-Өскемен» автожолының 971-1013 шақырымы (Қалбатаудан Шығыс Қазақстан облысының шекарасына дейін) барлық көлік түрлерінің қозғалысына шектеу қойылды. Жол 2024 жылғы 30 желтоқсан сағат 05:00-де ашылады деп күтілуде.

Қызылорда облысы:

Сағат 19:00-де «Самара-Шымкент» автожолының 1570-1911 шақырымы (Төретамнан Бәйгеқұмға дейін) барлық көлік түрлері үшін жабылады. Жолды 2024 жылғы 30 желтоқсан сағат 01:00-де ашу жоспарланған.

ҚазАвтоЖол жүргізушілерге ауа райы жағдайын ескеріп, жол қозғалысы туралы ақпаратты алдын ала тексеруді ескертеді.

фото: istockphoto.com

https://turkystan.kz/article/253905-ush-oblysta-aua-raiynyn-buzyluyna-bailanysty-zhol-zhabyldy