1990 жылдардың басында Душанбе қаласындағы 13 баласы бар 60 жастағы Талапшох Шейховтың өмірі күрт өзгерді. Көршісі жетім қалған аюдың қонжығын ұстап алып үйіндегі сарайға қамап қойғанын естіп көруге барады. Адамдардан қонжықтың көзі бақырайып қорыққанынан діріл қағып тұрғанын көріп аяп кетіп бір ешкіге айырбастап үйіне әкеледі. Бутылкамен сүт беріп қолға үйрете бастайды.
Сол кезде жүріп жатқан мексикалық ПРОСТО МАРИЯ сериалдың кейіпкерінің есімімен Мария деп атайды.
Мария Талапшохтың қасынан бір елі қалмайтын болды. Бақшасына барса қашан жұмыс істеп болғанша күтіп отырды. Түскі асты бірге ішіп, көз шырымын алып екеуі ұйықтап алатын болды.
Душанбенің тығыз базарына барғанда халық бастапқыда қорқатын еді. Ол түсінікті, аю табиғатынан жыртқыш аң ғой. Салмағы 600-800 кг болатын аю тырнағымен адамды бір ұрғанның өзінде жарып тастайтын. Сондықтан тұмсығына қайыс құрсау салып жүрді.
Сосын Мариямен автобусқа бірге мінетін болды, қала халқының да бойы үйренді. Шал 70-ке келгесін шаршағасын ат сияқты мінетін болды.
Т. Шейхов 80-ге келгесін көп ауырмай қайтыс болды. Қатты қайғырған Мария берген тамақты ішпейтін болды. Ақыры аштық пен қайғыдан өліп кетті.
Бақытжан Абдул-Түменбай
тарихшы, журналист-дайджест.
