Ұлы тұлғалар шоғырында тарих бетінен орын алған, ұлы тұлғаның есімін иеленіп отырған білім ұясында салауаты өмір салтын насихаттау және мемлекет және қоғам қайраткері Дінмұхамед Ахметұлы Қонаевтың туғанына — 110 жыл толуына орай, кемеңгер кие иесін еске алуға бағытталған баскетболдан қыздар арасында өткізілген аудандық турнирге , аудан мектептерінен 8 команда қатысты.
Аудандық турнирді білім бөлімінің басшысы Қазанғапов Мақсат Арапұлы алғы сөз алып ашып, қатысушы командалар — Ахмет Байтұрсынұлы атындағы гимназия, Мұхтар Әуезов атындағы орта мектебі, Шоқан Уалиханов атындағы орта мектебі, Ақкөл орта мектебі, Дінмұхамед Ахметұлы Қонаев атындағы орта мектебі, Қаратау орта мектебі, Ыбырай Алтынсарин атындағы орта мектебінің ойыншыларына сәттілік тіледі. 2 топқа бөлінген командалар ойыны өте тартысты өтті. Финалға жолдама алған білім ұялары — Шоқан Уалиханов атындағы орта мектебі, Дінмұхамед Ахметұлы Қонаев атындағы орта мектебі, Ахмет Байтұрсынұлы атындағы гимназия, Қаратау орта мектебінің ойыншылары турнир көрігін қыздырды. Байрақты бәсекеде жеңіс тұғырынан көрінген командалар — Дінмұхамед Ахметұлы Қонаев атындағы орта мектебі, 1- орын иеленсе, Қаратау орта мектебі, жүлделі 2- орын иеленді. Ахмет Байтұрсынұлы атындағы гимназияның командасы 3-орынға табан тіреді. Тәуелсіз еліміздің болашағы — дені сау, рухы биік, жаны таза азаматтардың қолында. Салауаттылық — өмір салтымыз. Баскетболдан қыздар арасында өткізілген аудандық турнирде белсенділік танытып , қатысқан ойыншылардың: әркез шоқтығы биік, мерейі үстем, шығар тауы мұзарт шың болсын!
Талас аудан әкімдігі
