Аса ауылында ағымдағы жылдың 10 қыркүйегінде өткен «Жамбыл-Антитеррор-2025» терроризмге қарсы оқу-жаттығуы өз мәресіне жетті. Іс-шараны терроризмге қарсы күрес жөніндегі Жамбыл аудандық жедел штабы ұйымдастырды.
Оқу-жаттығудың басты мақсаты – Жамбыл ауданының арнайы, құқық қорғау және мемлекеттік органдарының күштері мен құралдарының террористік сипаттағы қауіптерге қарсы іс-қимыл жасау барысындағы өзара әрекеттесу дайындығын жетілдіру болды. Шара барысында ведомствоаралық үйлесімділікті арттыруға, жедел жағдайларға ден қоюға және қауіпсіздікті қамтамасыз етуге басымдық берілді.
Жаттығу барысында қойылған міндеттер толық көлемде орындалып, терроризмге қарсы күрес саласындағы жауапты органдардың дайындығы тағы бір мәрте сыннан өтті.
Ұйымдастырушылар аудан тұрғындары мен қонақтарына оқу-жаттығу кезеңінде түсіністік танытып, қауіпсіздік шараларын сақтағандары үшін алғысын білдірді. Сондай-ақ азаматтар ресми ақпарат көздеріне ғана сеніп, жалған мәліметтерге жол бермеуге шақырылды.
Терроризмге қарсы күрес жөніндегі
Жамбыл облыстық жедел штабы
