https://turkystan.kz/article/265288-zanqos-turarovtyn-kezekti-qarsylasy-anyqtaldy
Ұзақ уақыт үзілістен кейін шаршы алаңға оралатын қазақстандық боксшы Жанқош Тұраровтың (28-0, 20 КО) келесі қарсыласы белгілі болды, деп хабарлайды turkystan.kz.
Ол 5 қыркүйекте Алматыда өтетін кәсіби бокс кешінде жұдырықтаспақ. Қарсыласы – филиппиндік Али Канега (12-2-1, 8 КО). Жекпе-жек бірінші жартылай орта салмақта өтеді және он раундқа жоспарланған.
Жанқош Тұраров соңғы рет 2023 жылдың желтоқсанында Алматыда жекпе-жек өткізген. Ол жапондық боксшы Акихиро Кондоға (37-13-3, 21 КО) қарсы жұдырықтасып, төрешілердің бірауыздан қабылдаған шешімімен жеңіске жетіп, IBO нұсқасы бойынша әлем чемпионы атанды.
Али Канега соңғы жекпе-жегін биыл маусым айында өткізіп, бірінші раундта жерлесі Джон Лоуоренс Ордонионы (9-9-1, 5 КО) нокаутқа түсірді. Сондай-ақ, ол биыл қазақстандық Руслан Мәдиевпен (17-2-1, 6 КО) кездесіп, төрешілердің шешімімен жеңілген болатын.
Айта кетейік, Али Канега – бірінші жартылай орта салмақтағы Филиппин бокс федерациясының чемпионы.
Толық нұсқасына гиперсілтеме беруді ұмытпаңыз: https://turkystan.kz/article/265288-zanqos-turarovtyn-kezekti-qarsylasy-anyqtaldy
