Ұлыстың Ұлы күні мейрамы — берекенің бастауы, көктемнің шуақты мерекесі. Думанға толы кеште халық ойын — сауық кешін тамашалап, жаңа күнді ұмытылмастай өткізеді.
Орталық алаңда өтіп жатқан Наурыз мерекесінде салт- дәстүр ұлықталып, ән шырқалды. Жастар «Алтыбақан» теуіп, ән шырқады. Наурыздың символына айналған «Алтыбақанда» «Селт еткізер», «Жігіт пен қыздың айтысы» көрініс тауып, мерекенің көркін қыздырды.Сонымен қатар, аудан әкімдігінің дене шынықтыру және спорт бөлімінің «Бұқаралық спорттық іс-шараларды өткізу орталығы» КММ-нің ұйымдастыруымен ұлттық спорттың арқан тартыс, асық ату, қазақ күресі, қошқар көтеруден сайыс өткізіліп, ұлттық спорт дәстүрі жаңғыртылды.
