Отандық шоу-бизнес жұлдызы Жазира Байырбекова әлеуметтік желілерде өзі және отбасы туралы таралған жалған ақпараттарға жауап берді. Өнер иесі халыққа үндеу жасап, шындыққа жанаспайтын жаңалықтарды жоққа шығарды, деп хабарлайды Paryz.kz ozgeris.info-ға сілтеме жасап.
Жазира бұл мәселеге қатысты Instagram парақшасында пікір білдірді. Ол алдымен ұлының баласы бар келіншекпен сөйлесіп жүргені туралы қауесетті теріске шығарып, кейін Бибігүл Төлегенова жайлы тараған жаңалыққа тоқталды. Әнші оқырмандарын жалған ақпаратқа сенбеуге шақырды:
«Мынау не сұмдық, адамдар?! Оқырман жинау үшін жалған ақпарат тарататындарды не істейміз?! Біріншісі ештеңе емес, ал екіншісі — тіпті масқара. Халық осындай парақшаларға сеніп, бізді даттап, сөгіп, қарғап жатқаны жанымды ауыртады. Шынымен осындай өтірік ақпараттарға сенесіздер ме?» — деп жазды Байырбекова.
Жазира жалған ақпараттардың қоғамға зиян тигізетінін баса айтып, халықты шындыққа мән беруге шақырды.
фото: әлеуметтік желіден
https://www.paryz.kz/showbiz/45061-zazira-bayyrbekova-bibigul-tolegenovanyn-esin-zhidyrdy-anshi-ashuga-mindi?fbclid=IwY2xjawHoh-1leHRuA2FlbQIxMQABHblXdqOfyMekTI6ZdMqS0J5wJb1-v56lrbmkqEC405X9aBzx41JVCkeMoQ_aem_wtW56J8d4w3kQmA0LGqBGg
