«Жоғары жылдамдықпен қағып кеткен». Қайғылы жағдай: Қарағандыда 20 жасар бойжеткен қаза болды
Қарағанды қаласында түнде орын алған жол-көлік оқиғасы салдарынан 2006 жылы туған студент бойжеткен оқиға орнында тіл тартпастан кетті.
Оқыс жағдай Университет көшесінің бойында, Қарағанды мемлекеттік университетінің (ҚарМУ) жатақханасына жақын маңда тіркелген. Жаяу жүргіншілер жолынан өтіп бара жатқан бойжеткенді жоғары жылдамдықпен келген «Лада» маркалы автокөлігі қаққан. Алған ауыр жарақаттарының салдарынан зардап шегуші дәрігерлер жеткенше жан тапсырды.
Қазіргі уақытта аталған қайғылы жағдайға байланысты құқық қорғау органдары тиісті тергеу амалдарын бастады.
фото: Ашық дерекөздерден
