Орал тұрғыны музыканы жоғары дыбыста тыңдаған көршісін соққыға жықты.
Sputnik Қазақстан порталының мәліметінше, оқиға 2024 жылдың 2 желтоқсанында сағат 18:00 шамасында болған.
Облыстық соттың баспасөз қызметі Орал қаласының тұрғыны өз пәтерінде музыканың дауысын қатты шығарып тыңдағанын хабарлады. Бұл оның көршісіне ұнамай, ол оны тыныштандырмақ болып, есігін қаққан.
«Бірақ әйел адам есікті ашпаған. Ашуға булыққан көршісі сыртқы есіктің терезесін сындырып, пәтерге кіріп, көршісін тауып алып, оның басы мен денесінен бірнеше рет ұрған. Содан кейін ол әйелді ұстап тұрып басын қабырғаға соғып, пәтерден шығып кеткен», — деп жазылған хабарламада.
Сотталушы өз кінәсін толық мойындап, ісіне өкінді. Жәбірленуші сотталушыға ерекше талап қоюды сұрап, жазалау шарасын соттың қарауына қалдырды.
Сот ер адамды Қазақстан Республикасы Қылмыстық кодексінің 109-бабы «Соққыға жығу» бойынша кінәлі деп танып, 40 сағатқа қоғамдық жұмыстарға тарту туралы шешім шығарды.
Соттың үкімі заңды күшіне енді.
turkystan.kz
