1 қазан — «Қарттар күніне» және қыркүйек айының соңғы жексенбісінде аталып өтілетін «Еңбек күніне» орай, бүгін Спорт кешенінде волейболдан ардагерлер арасында облыстық сайыс өтті. Жарыстың ашылуына қатысқан аудан әкімі Сәкен Мамытов құттықтау сөз сөйлеп, қарттарымыздың қоғамдағы рөліне тоқталды. Мұнан соң волейболдан облыстық федерацияның вице президенті Сәрсен Оспанов пен аудандық ардагерлер кеңесінің төрағасы Серік Аппазов та ізгі тілектерін жолдап, жарысқа қатысушыларға сәттілік тіледі.
Қаңтар айында бастау алып әр ауданда өтіп жатқан жарысқа аудандардан ардагерлерден құралған командалар қатысып, бақ сынасты. Тартысты өткен сайыстың қорытынды сайысы Тараз қаласында өтеді.