Бүгін ауданымызға ҚР Парламенті Сенатының депутаты Бекболат Орынбеков жұмыс сапарымен келіп, маңызды нысандардың құрылыс барысымен танысты.![]()
⠀
Сенат депутаты Ақтоған ауылындағы ауыз су жүйесінің құрылысын көріп, оның тұрғындарға дер кезінде жеткізілуі қажеттігін атап өтті. Андас батыр ауылында жаңадан ашылған спорттық-сауықтыру кешенін аралап, мұндағы спортпен шұғылдануға арналған заманауи жағдайларға жоғары баға берді.![]()
⠀
Сонымен қатар, №21 орта мектептің құрылысын зерделеп, оның сапалы әрі заманауи талаптарға сай екенін айтты. Сондай-ақ, «Андас-1», «Андас-2» және «Андас-3» су толтыру тоғандарының құрылысымен танысып, олардың ауданымыздың су шаруашылығындағы маңызын ерекше атап өтті.![]()
⠀
Мұндай жобалардың жүзеге асуы – мемлекет қолдауы мен аудан тұрғындарының бірлескен еңбегінің нәтижесі. Алдағы уақытта да ауданымызды дамыту жолында аянбай еңбек етеміз!![]()
