Шетелде жол жүрген көптеген қазақтастандықтар елдің тамағын сағынады. Жақында бір қазақстандық Тайландта тосын жаңалық айтып, желі қолданушыларын таңғалдырды, деп хабарлайды BAQ.KZ тілшісі.
Отандасымыз Бангкоктың қақ ортасынан бауырсақ пісіріліп жатқанын көзі шалған. Бейне желіде 200 мыңға жуық қаралым жинады. Видеоны жариялаған 18 жастағы қазақстандық Рахат. Қазір ол Бангкокта тұрады және модельдік келісімшарт бойынша жұмыс істейді.
Өте майлы екен. Қазақстандағы бауырсақ бұдан да дәмдірек, — дейді ол.
Рахаттың айтуынша, Бангкоктың бауырсағы қазақтікінен айнымайды.
Дәмі мен ингредиенттері қазақтың баурсағынан 100 пайыз айнымайды. Бірақ бір айырмашылығы – олар ішіне түрлі соустар қосады, — дейді ол.
Бауырсақтың бір данасы 5 бат, шамамен 75 теңге. Оны жергілікті саудагерлер сатады, бірақ олар бұл тағамды «қытай бәліші» деп атайды екен.
Бауырсақтың қаншалықты танымал екенін нақты айта алмаймын. Бірақ саудаланса, демек, жергілікті тұрғындарға ұнайтын сияқты. Ал сатушылардан қазақ тағамдары туралы білетін-білмейтінін сұрамадым, — деді Рахат.
ФОТО ВИДИОДАН СКРИН
