Астанадағы автобус апаты: Екі аяғын кескен қыз баланың отбасына 30 млн теңге көмек беріледі

Елордада орын алған автобус апатынан зардап шеккен 8 жастағы қыз баланың отбасына жан-жақты көмек көрсетіліп жатыр, деп хабарлайды turkystan.kz.

Әкімдік пен автобус паркі өкілдері зардап шеккен қыздың туыстарымен кездесті. Төменде аталған көмек шаралары қабылданды:

— Автопарктің сақтандыру полисі бойынша 19,6 млн теңге мөлшерінде өтемақы (қазіргі уақытта заңға сәйкес рәсімдер жүргізілуде);

— Автопарктің демеушілік көмегі ретінде қосымша 10 млн теңге көмек көрсету туралы шешім қабылданды;

— Ақмола облысынан келген отбасыға Астанада емделу және реабилитация кезеңінде тұрғын үйді жалға алу бойынша көмек ұсынылды;

— Медициналық және психологиялық көмек көрсетіледі;

— Әлеуметтік көмек мәселелері бойынша қолдау көрсетіледі.

Қыздың жағдайы тұрақты, ол профильді бөлімшеге ауыстырылды.

Барлық қабылданған және ұсынылған көмек шаралары туралы зардап шеккен қыздың туыстарына хабарланды.

Әкімдік өкілдері отбасы мүшелерімен тұрақты байланыста болып, зардап шеккен қызды қалпына келтіру және қолдау көрсету үшін барлық мүмкін шараларды қабылдайды.

Сонымен қатар, ауруханада ем қабылдап жатқан екі пациентке жан-жақты көмек көрсетілуде. Олар да сақтандыру төлемдерін алады.

Еске салсақ, 2 маусымда Астанада автобус  ақпараттық табло тірегіне соқтығысты. Жол-көлік оқиғасының нәтижесінде 15 адам ауруханаларға жеткізілді. Үшеуі ауруханаға жатқызылды, оның ішінде 2017 жылы туған қыз, оның аяғын ампутациялауға тура келді.

Автобус жүргізушісі, жол-көлік оқиғасына қатысты ұсталынды.