Жамбыл облысы бойынша Қылмыстық-атқару жүйесі департаментіне қарасты №59 мекемесіне Жамбыл облысының прокуроры Берік Әбілов жұмыс сапарымен келді.
Іссапар барысында облыс прокуроры мекеме аумағын аралап, сотталғандарды ұстау жағдайымен, күнделікті тәртіптің сақталуымен, медициналық қамтамасыз ету және тұрмыстық жағдайлармен танысты. Сонымен қатар өндірістік аймақты тексеріп, сотталғандардың еңбекпен қамтылу жағдайына және қауіпсіздік талаптарының сақталуына назар аударды. Сондай-ақ мекеме қызметкерлерімен кездесіп, заң талаптарының орындалу барысын тексерді.
Аралау қорытындысы бойынша Берік Әбілов мекемеде атқарылып жатқан жұмыстарға оң бағасын беріп, сотталғандарды ұстау жағдайына және мекемедегі тәртіптің сақталуына көңілі толатынын жеткізді.
