Жаза мерзімінің аяқталуына байланысты «Қақпа алдында кездесу» әлеуметтік жобасы аясында Жамбыл облысы бойынша ҚАЖ департаментінің №25 мекемесінде сотталған азаматты бостандыққа шығарып салу шарасы өтті.
Шараға Тараз қаласының “Мансап” орталығы филиалының және пробация қызметкері шақырылды.
«Қақпа алдында кездесу» шарасы аясында жаза мерзімінің аяқталуына байланысты сотталған азаматтың денсаулық жағдайы, білім деңгейі, жұмыспен қамтылуын, тұрғылықты жерінің болуы, сондай-ақ оған көрсетілетін әлеуметтік-құқықтық көмектің көлемін анықтау үшін қажетті мәліметтер, жеке тұлғасын зерттеу жұмыстары жүргізілді.
Шара соңында босатылушы сотталған азаматқа босатылғаннан кейінгі тұрмыстық және жұмысқа орналасуы жөнінде құқықтары мен міндеттері, босатылғаннан кейінгі жұмысқа орналасуы үшін керекті құжаттар тізімі, жұмыспен қамту бөлімінің мекенжайы көрсетілген жадынама берілді. Босатылушы сотталған азаматты мекеме қақпасынан жақындары күтіп алды.
