Аудан әкімі Ербол Жиенқұлов тұрғындарды жеке мәселелері бойынша қабылдап, олардың өтініш-тілектерін тыңдады. Қабылдауға келген азаматтар негізінен жер мәселесі, ауыл шаруашылығына берілетін субсидиялар, әлеуметтік көмек түрлері,дипломмн ауылға бағдарламасы, тұрғын үй кезегі және денсаулық сақтау саласына қатысты проблемаларды көтерді.
Әрбір тұрғынның өтініші жеке қаралып, кейбір мәселелер бойынша сол жерде жауап берілді. Ал жүйелі түрде шешуді қажет ететін сұрақтар тиісті сала мамандарына тапсырылып, бақылауға алынды.
Аудан әкімі Ербол Жиенқұлов тұрғындармен кері байланыстың маңыздылығын атап өтіп, осындай қабылдаулар алдағы уақытта да тұрақты түрде өткізілетінін жеткізді.