Рейстер аптасына екі рет орындалады.
2026 жылғы 11 желтоқсаннан бастап Астана мен Бангкок (Таиланд) қалалары арасында тікелей әуе қатынасы ашылады.
Жаңа бағыт бойынша рейстер аптасына екі рет Airbus A321LR әуе кемелерімен орындалады. Жаңа әуе бағыты іске қосылғаннан кейін Қазақстан мен Таиланд арасындағы әуе қатынасының жалпы саны 4 бағыт бойынша аптасына 20 рейске дейін ұлғаяды.
Қазіргі уақытта Қазақстаннан Таиландқа үш бағыт бойынша аптасына 18 рейс қатынайды. Атап айтқанда, Алматы – Пхукет бағытында аптасына 7 рейс, Алматы – Бангкок бағыты бойынша 9 рейс («Air Astana» – 6, «Thai AirAsia X» – 3) және Шымкент – Бангкок бағытында аптасына 2 рейс орындалып отыр.
Екі елдің астаналары арасындағы тікелей қатынас туристік әрі іскерлік сапарларға жаңа мүмкіндіктер ашып, Қазақстан мен Таиланд арасындағы байланысты одан әрі нығайтуға септігін тигізбек.
