СҚО-да көмек сұрап жүзіп келген аққуды аман алып қалған ер адамдардың әрекеті жұртты тәнті етті

Желіде тараған видеода тұрғындардың аққудың аузынан бауды шығарғаны көрінеді. Содан соң құс еркін тыныс ала бастаған.

Желі қолданушылары ер азаматтардың әрекетіне сүйсініп, пікір жазды.

“Осындай видеоларды көріп, адамдардың жануарларға деген немқұрайлы емес қарым-қатынасына тамсанам”, “Осындай нәрсеге қарауға болады, көмектеріңізге рахмет!”, “Аққу мейірімді адамдарды байқап, жүзіп келген, аққу жамандықты сезеді”, “Жақсылықтарыңыз еселеніп қайтады” деп жазды оқырмандар.

Парақша авторлары құсты құтқарған ер адамдармен тілдескен. Алайда олар өз кезегінде сұхбат беруден бас тартыпты.

Жылан шағып көз жұмған ағасын жерлеуге барған жігіт оның тағдырын қайталады

Белгілісі, үш ер адамның аты да Александр.

“Көп рахмет, бірақ біз журналистер назарына ілінбей-ақ қойсақ. Ел алдына шыққымыз келмейді, бұл оқиға Мамлюткада тұратын адамдар жайлы болсын”, – депті олар жауабында.

Қазіргі уақытта аққудың жағдайы жақсы екені хабарланды.

“Құтқарылған жерде тағы бір күн уақыт жатты. Содан соң отбасына оралды”, – делінді жазбада.

https://stan.kz/sko-da-adamdardan-komek-syrap-zhuzip-kelgen-akkudi-aman-368601/