Жаңа оқу жылының ұзақтығы 1-сыныптарда 35 оқу аптасын, 2-11 сыныптарда 36 оқу аптасын құрайды. Бұл мектептердің 5 күндік оқумен жұмыс істеуіне, мектеп оқушыларының қажетті білім көлемін алудағы олқылықтың орнын толтыруға мүмкіндік береді. Бастауыш білім берудің үлгілік оқу жоспарына сәйкес 1 сыныпта тек қазақ тілі пәні жүргізіледі. Ал, орыс сыныптарында қазақ тілі және орыс тілі оқытылады. Орыс тілі 2 сыныптан, ал ағылшын тілі 3 сыныптан бастап жүргізіледі.





