«Аллаһым амандығын берсін!»: Әнші Бүркіт тойханадағы оқыс жағдайдың видеосын жариялады

Қазақстандық әнші Айбек Жансейітов (лақап аты Бүркіт — ред.) тойханадан түтін шыққанын жазып, желі парақшасында оқыс жағдайдың видеосын жария етті, деп хабарлайды turkystan.kz nur.kz-ке сілтеме жасап.

«Шымкентке ұшып келіп, тойханаға келсек, тойханамыздан түтін шығып жатыр. Адамдар аман. Аллаһым амандығын берсін! Тұрақта машина жанып кетті дей ме, сондай бір жағдай. Елдің бәрі далада», — деп жазды әнші Instagram желісіндегі парақшасында.

Видеодан тойхана айналасын қара түтін басқанын көруге болады. Оқыс жағдайдың видеосын көрген желі қолданушылары тойханаға келген қонақтардың жағдайына алаңдаушылық білдірді.

«Алла сақтасын», «Алла амандығын берсін. Той иесіне сабыр, әр нәрсенің қайыры бар деген», «Той иесіне обал болды, қанша күн дайындалғаны құр кетті», — деп жазды пікір қалдырушылар.