Фестивальдің басты жұлдыздары – шапан мен тақия киген гуманоидтық роботтар. Олар жаяу жүргіншілер көшесінде қонақтарды қарсы алып, суретке түсіп, тіпті би билеп, мерекелік көңіл-күй сыйлауда.
Сонымен қатар келушілер қайта өңделген материалдардан жасалған стационарлық роботтарды, робот-официанттарды, аспазшылар мен баристаларды көре алады. Ақылды машиналар бауырсақ пісіріп, кофе дайындап, тапсырыстарды таратады.
Фестиваль аймағының орталық бөлігі – LED-экрандармен жабдықталған кинетикалық туннель, онда қазақтың ұлттық ою-өрнектері мен адам бейнелері ауысып тұрады. Қонақтар үшін VR-аттракциондар, садақ ату алаңы, жасанды интеллект фотозоналары және интерактивті «Ой-Думан» шоуы ұйымдастырылған. Виртуалды аватар Ғалымжанкелушілердің сұрақтарына жауап беріп, фестивальдің бағдарламасы туралы ақпарат береді.
Фестиваль 22:00-ге дейін жалғасып, музыкалық топтар мен диджейлердің өнер көрсетуімен аяқталады.
фото: қала әкімдігі
https://turkystan.kz/article/257601-almaty-koshelerinde-ulttyk-kiim-kigen-robottar-zhur
