istockphoto
Қарағанды облысында жарылыс болды: қаза тапқандар бар: 13 желтоқсан 2025, жаңалықтар Turkystan.kz
Қарағанды облысы Шет ауданындағы Мойынты станциясында кафеде газ баллоны жарылып, екі адам қаза болды, деп хабарлайды Төтенше жағдайлар министрлігі.
Өрт сөндірушілер жеткен кезде кафе толық отқа оранған. Бір қабатты ғимаратта газ баллоны жарылып, шамамен 200 шаршы метр аумақта жабын конструкциялары құлаған.
Оқиға салдарынан екі адам көз жұмды. 11 адам аудандық ауруханаға жеткізілген.
300 шары метр аумақта өрт толықтай сөндірілді. Қазір үйінділерді аршу жұмыстары жүргізіліп жатыр.
«Құтқарушылар зақымданған құрылымдарды тексеріп, қайта өртенудің алдын алу шараларын қабылдап жатыр», — делінген хабарламада.
Газ баллоны жарылысының алдын ала себебі — газбен жабдықтау жүйелерін, оның ішінде тұрмыстық газ баллондарын қауіпсіз пайдалану талаптарының бұзылуы.
Толық нұсқасына гиперсілтеме беруді ұмытпаңыз: https://turkystan.kz/article/272778-qaragandy-oblysynda-zarylys-boldy-qaza-tapqandar-bar
