Ол әлеуметтік желіде өткен күндердің естелігін жазған.
Қыдырәлі Болманов «Музарт» тобының әншісі Сәкен Майғазиевті 50 жасымен құттықтап, топтың құрылған кезін еске алды, деп жазды turkystan.kz.
«Роза, «Дос-мұқасан», Нағима, Мақпалдардың, құдайға шүкір, еңбектері ерен. Олар Кеңес одағы кезінде рухымызды құлатпаған дарындар. Енді дамып келе жатқан эстрадамызда, Парвиз, Кирилл Ли, Арт-клуб, Дуэт-л, Бублики секілді әріптестерімді құрметтеймін, бірақ ана-тілімнің алдында өзімнің жауапты парызым бар. Енді тәуелсіз мемлекеттің эстрада, «шоу-бизнесі» қазақ тілді болуы үшін, қазақ әндеріне сұраныс тудыру жоспарына кірістім. Бір Аллаға сыйынып, АБК тобын құрдым. Бірден жарқ еткізіп жарып шықпасаң, қиын. Тарихымызда тұңғыш рет қазақша әнге клип түсіруді дарынды режиссер Ақан Сатаевқа тапсырдым. Алла қолдап, “Тамшылар” айлап, жылдап хит шерудердің төрінен түспеді. Оған екі бөлмелі пәтердің бағасын төледім. “Тамшылар” әні “үнсіз сілкініс” жасады! 5 жылдан соң, қарасаң көз тоятын, тыңдасаң баурап алатын «Музарт» тобы, жарқ ете қалды. Бейне бір мәдени майданда әскер жетпей жатқанда дер кезінде келген мұздай қаруланған атты әскердей көрінген. Мейрамбек, Мақсат, ақ Сәкешпен сол кезде таныстық. Бүгінде шоу-бизнес 100-пайыз қазақ тілінде, домбыраны әлемге ұлықтап жүрген «Ұлытаудай» топтарымыз қалыптасты», — деп жазды Қыдырәлі Болманов інісіне арнаған құттықтауында.
фото: сурет ашық дереккөзден алынды
https://turkystan.kz/article/257704-atty-skerdei-koringen-kydyr-li-bolmanov-muzart-tobynyn-ku-ryluy-zhaily-aitty
