Гаджи Гаджиев Ауыр атлетика федерациясына президенті болып сайланды. Бұл туралы федерацияның баспасөз қызметі мәлім етті.
Ол 1974 жылдың 29 қыркүйегінде дүниеге келген. Ресми өмірбаянында орыс, қазақ, ағылшын және қытай тілдерін білетіні айтылған. Құрылыс, байланыс, іскерлік мамандықтары бойынша бірнеше жоғары оқу орнында білім алған.
Еңбек жолын 1994 жылы сауда саласында бастаған. Кейін бірнеше жыл бойы құрылыс компанияларында басшылық лауазымдарды атқарған.
2009 жылдан бері республикалық Қазақстан жауынгерлік өнер одағының жоғары кеңес президиум мүшесі.
2015 жылдан бері NOMAD MMA репсубликалық федерациясының президенті.
2016-2018 жылдары Қазақстан Кунг-фу қауымдастығының президенті болған.
2018 жылдан бері Пенчак Силат қауымдастығының президенті қызметін атқарып келеді.
Ауырт атлетика федерациясының басшылығына келгенге дейін бірінші вице-президент қызметін атқарған. Ұлттық олимпиада комитеті атқару комитетінің мүшесі болып есептеледі.
«Парасат» және «Құрмет» ордендерінің, «ҚР құрметті теміржолшысы» төсбелгісінің иегері.
turkystan.kz
