istockphoto
https://turkystan.kz/article/270183-qazaqstanda-buginnen-bastap-ne-ozgeredi-1
Осы айда көптен күткен жеңілдетілген ипотекалық бағдарламалар қайта іске қосылады. Ал «Әскери баспанамен» 7 мың әскери қызметкер пәтер ала алады. Қазақстанда орташа жалақыны есептеу тәртібі де өзгереді, деп хабарлайды turkystan.kz sputnik.kz-ке сілтеме жасап.
Жеңілдетілген ипотека қайта беріледі
3 қарашадан бастап Отбасы банк «Наурыз» және «Наурыз жұмыскер» ипотекалық бағдарламалары бойынша құжат қабылдауды бастайды. Осы жолы инфляцияға қарсы шаралар аясында несиелеу көлемі 500 млрд теңгеге дейін ұлғайтылды.
Негізгі шарттар:Добавить
алғашқы жарна — 10-20%;
тұрғын үй кезегінде тұрған азаматтардың әлеуметтік осал санаттары үшін несие бойынша мөлшерлеме — 7%;
азаматтардың барлық санаты үшін несие бойынша мөлшерлеме — 9%;
несие мерзімі — 19 жылға дейін.
Ал «Наурыз жұмыскер» ипотекасы нақты саланың мамандары ғана рәсімдей алады. Олар:
өнеркәсіп және құрылыс;
энергетика;
көлік;
ауыл шаруашылығы;
су ресурстары және ирригация.
Кеңсе қызметкерлері бағдарламаға қатыса алмайды.
«Әскери баспана» жанданады
Отбасы банк жақын арада «Әскери баспана» ипотекалық бағдарламасы бойынша құжат қабылдау басталатынын хабарлады.
«7 мың әскери қызметкер өз баспанасына ие болады. Шарттары кейінірек әлеуметтік желілерімізде жарияланады», — делінген ресми хабарламада.
Жақында қорғаныс министрі «Отбасы банк» басшысымен кездесіп, осы бағдарламаға қатысты өз ұсыныстарын айтқан болатын.
Жаңа рейстер
Qazaq Air әуе компаниясы Қырғызстан мен Өзбекстанға тікелей рейстерді ашады.
7 қарашадан бастап Астанадан Самарқандқа (аптасына екі рет, жұма және жексенбі күндері);
10 қарашадан бастап Астанадан Бішкекке (аптасына екі рет, дүйсенбі және бейсенбі күндері).
Оқушылардың каникулы аяқталады
3 қарашада оқушылардың күзгі каникулы аяқталып, оқу жылының екінші тоқсаны басталады. Бұл тоқсан жаңа жылға дейін созылады.
Сол кезде басқа каникулдар да болады:
қысқы каникул — 29 желтоқсанна 7 қаңтарға дейін (10 күн);
1-сынып оқуқылары үшін қосымша каникул — 9-15 ақпан күндері (7 күн);
көктемгі каникул — 19-29 наурыз күндері (11 күн).
Ал 25 мамырда оқу жылы аяқталады.
Орташа жалақы есептеу тәртібі өзгереді
3 қарашадан бастап Қазақстанда орташа жалақы есептеу тәртібі өзгереді. Бұдан былай тұрақты сыйақылар мен ынталандыру төлемдері де есепке алынатын болады.
Магистратураға құжат қабылданады
Қазақстанда магистратура мен докторантураға құжат қабылдау 28 қазанда басталады.
Құжат қабылдау 10 қараша 2025 жылға дейін (қоса алғанда) жалғасады.
Тестілеудің өтетін орны мен уақыты жөніндегі ақпарат талапкерлердің app.testcenter.kz сайтындағы жеке кабинеттерінде қолжетімді болады:
«Қайрат» сырт алаңда ойнайды
Алматылық «Қайрат» клубы қараша айында Еуропада екі жұлдызды матч өткізеді:
6 қарашада аты аңызға айналған «Сан-Сиро» стадионында миландық «Интерге» қарсы (Астана уақыты бойынша сағат 01:00-де басталады);
26 қараша Дания астанасы Копенгагендегі “Паркен” стадионында “Копенгаген” клубына қарсы ойын (Астана уақытымен 22:45-те басталады).
«Қандай мерекелер болады
Қараша айында мемлекеттік мерекелер жоқ. Бірақ кәсіби және басқа да мейрамдар болады.
Олар:
5 қараша – Сыртқы барлау күні;
8 қараша – Статистика күні;
10 қараша – Цифрландыру және ақпараттық технологиялар қызметкерлерінің күні;
15 қараша – Ұлттық валюта – теңге күні, Қазақстан Республикасы қаржы жүйесі қызметкерлерінің кәсіби мерекесі;
16 қараша (қарашаның үшінші сенбісі) – Бұрғышылар күні;
17 қараша (қарашаның үшінші жексенбісі) – Ауыл шаруашылығы, тамақ және өңдеу өнеркәсібі қызметкерлерінің күні.
Қарашада қосымша демалыс бола ма
Қараша айында мереке күндері жоқ. Сол себепті бес күндік жұмыс аптасымен жұмыс істейтіндер тек сенбі және жексенбі күндері демалады.
Осылайша, қараша айында 10 күн демалыс бар.
Толық нұсқасына гиперсілтеме беруді ұмытпаңыз: https://turkystan.kz/article/270183-qazaqstanda-buginnen-bastap-ne-ozgeredi-1
