Белгілі ресейлік актер Артем Анчуков коронавирустан қайтыс болды
Бұл туралы әнші Татьяна Буланова 6 мамырда Instagram желісіндегі парақшасында жазды. Буланова әртіс жексенбі таңда көз жұмғанын айтты.
«Бір аптадай үйде дене қызуы көтеріліп жатты. Кейін өзі ауруханаға барып, бір аптадай сонда болды. Ауруханада жағдайы ауырлай бастады. Амал не, сауығып кете алмады», — деп келтірді Буланованың сөзін РЕН ТВ Telegram-каналы.
Анчуков «Улицы разбитых фонарей», «Бандитский Петербург», «Мажор», «Ментовские войны», «Такая работа», «Невский» және «Литейный» сериалдарына түскен. 2003-2013 жылдар арасында петерборлық «Буфф» театрында өнер көрсеткен.
