«Қазақстанның халық партиясы» (ҚХП) фракциясының депутаттары «шетелдік агенттер» туралы заң жобасын әзірлеуде, деп хабарлайды Orda.kz.
Депутат Ирина Смирнова Мәжіліс дәлізінде мемлекеттік емес ұйымдардың (МЕҰ) қызметін реттеуге қатысты жобаның әзірленіп жатқанын айтты.
«Агенттер туралы заң жобасы – бөлек жоба, ал мемлекеттік емес ұйымдар туралы заң жобасы – бөлек. Шетелдік агенттер туралы заң жобасын ҚХП әзірлейді», – деп түсіндірді Смирнова.
Құжаттың тұжырымдамасы әлі талқыланып жатыр, жобаның нақты мерзімі туралы ақпарат жоқ. Смирнова әртүрлі МЕҰ мен шетелдік қорларды «елдің саясатына сырттан әсер етеді» деп сынға алды.
«Осылайша, жалған ақпаратқа тапсырыс берушілер өздеріне таныс әдістерді пайдаланып, елдің саясатына сырттан әсер етуге тырысады. Тоқаевтың Ұлттық құрылтайда айтқанындай, көптеген елдерге ондаған жылдар бойы ЛГБТ сияқты «демократиялық моральдық құндылықтар» таңылып, осындай желеумен халықаралық үкіметтік емес ұйымдар мен қорлар олардың ішкі істеріне араласқан», – деді Смирнова.
Смирнованың айтуынша, дезинформациямен күрес сөз бостандығын шектемейді.
https://kaz.orda.kz/deputattar-sheteldik-agentter-turaly-zan-zhobasyn-azirleude-131546/?fbclid=IwY2xjawJH6zpleHRuA2FlbQIxMQABHV0xdEvDGfkW0paKFpEjQg2TM1-rPDxLO0i2YYaI7kEKRFdJTsobyU3hdQ_aem_mAr9qK-h_pEeXR1gWPoa3A
Фото: Midjourney
