Жамбыл облысы бойынша эпидемиологиялық жағдай тұрақты бақылауда.
Бүгін қала және аудан әкімдері орынбасарларының қатысуымен қызылша аурушаңдығы және оның алдын алу шаралары жөніндегі кеңейтілген штаб отырысын өткіздік.
Жиында өңірдегі ахуал жан-жақты талданып, қабылданған санитариялық-профилактикалық және ұйымдастырушылық шаралардың орындалу барысы қаралды.
Біздің негізгі міндетіміз – вакцинациямен қамтуды арттыру, ведомствоаралық өзара іс-қимылды күшейту, екпеден бас тарту жағдайларын азайту және тұрақты мониторинг жүргізу.
Осы бағытта атқарылған кешенді жұмыстардың нәтижесінде :
23 мың бала қызылшаға қарсы вакцинациямен қамтылды;Жоспарлы вакцинациямен қамту деңгейі 98,6%-ға жетті;Қосымша иммундаумен қамту 80%-ды құрады;Уақытша медициналық қарсы көрсетілімдер 31%-ға төмендеді;Тұрақты медициналық қарсы көрсетілімдер 17 есеге азайды;Екпеден бас тарту жағдайлары 13%-ға қысқарды;Екпеден бас тартқан тұлғалардың ішінде вакцинацияланғандар үлесі 8%-дан 30%-ға дейін артты.Қабылданып жатқан шаралардың нәтижесінде:
Аурушаңдық өсімі *12,5* есеге азайды;Апталық көрсеткіш *2,8* есеге төмендеді.Бұл – бірлескен жүйелі жұмыстың нақты нәтижесі.
Алдағы уақытта да профилактикалық іс-шараларды жалғастырып, вакцинациямен қамтуды одан әрі арттыруға және халық арасында ақпараттық-түсіндіру жұмыстарын күшейтуге басымдық береміз. Ол бойынша жауапты тұлғаларға нақты міндеттер жүктедім!
