Өмірдің басы бар, соңы бар.
Басы үміт, соңы өкініш.
Ақылды тақта отырған патшадан сұрама, тақтан түскеннен сұра.
Бата-құранның айнасы.
Атаңнан бота қалмасын, бата қалсын.
Ботаның құны бір жұт, батаның құны мәңгі құт.
Ақылдының ажары жарқыраған көлмен тең.
Жақсы адамның серігі-ақыл, қайрат, әдеп, төзім, сабыр, үміт, татулық, бірлік.
Жалған сөз-дерт, ақиқат-ем, сезім-бұлақ, қиял-шырын, тіл-жүрегіңнің айнасы. Жүрегің неге толы болса, тіліңнен сол шығар.
Шеге тағаны, таға тұлпарды, тұлпар ерді, ер елін сақтайды.
Батыр жау барда, би дау барда сыйлы.
Үйде атаңның, түзде Отанның намысын қорға.
